| 02.06.2010 | |
| Descatalogado o libro ''Ferrol mar adentro'' | |
| Dende hoxe queda fora de catalogo o libro Ferrol mar adentro. | |
| ......................... | |
| 07.07.2009 | |
| Xeometrías máxicas de Galicia | |
| Ir Indo ven de presentar o libro Xeometrías máxicas de Galicia de Bieito Romero, con gran éxito de público e crítica, moitos medios como "La Voz" fanse eco desta presentación e do excelente contido desta obra. Ver contidos do libro Ver noticia da Voz |
|
| ......................... | |
| 13.05.2009 | |
| Presentación do libro "De las tinieblas a la luz" de Antonio J. Balboa Toba | |
| O próximo Venres 22 de Maio as 20.00 horas, no Corte Inglés da Coruña, presentaráse o libro "De las tinieblas a la luz" de Antonio. J Balboa Toba, no acto intervirán Bieito Ledo; Xosé Luís Vilela e o propio autor. | |
| ......................... | |
| 03.12.2008 | |
| Presentación do libro Gatos de Moncho Borrajo | |
| Este xoves, día 4 de decembro, ás 20:30 horas, no Salón Regio do Circulo Cultural Mercantil e Industrial de Vigo presentarase o novo libro de Moncho Borrajo, Gatos; no acto intervirán D. Xelasio Suárez Santiso (Xerente de Ir Indo Edicións) e o propio autor. A entrada é libre. | |
| ......................... | |
| 21.11.2008 | |
| Novidades no catálogo de Ir Indo, Historia das historias da escola e Pel de muller | |
| "Historia das historias da escola" Poderiamos afirmar, sen temor á equivocación, que Ventoso Mariño divide o seu mundo narrativo en dúas grandes esferas, a da educación e a do mar; e que en moitas ocasións estas esferas se entremesuran conformando marabillosas historias de aprendizaxe, superación e amor. O mestre e o alumno comparten o protagonismo á par do mariñeiro que ensina ao seu neto os segredos do mar. Velaí a clave destes relatos que o autor debuxa coa mestría á que nos ten afeitos. "Pel de Muller" Despois dalgúns anos, Ir Indo Edicións recupera a súa liña poética dando voz a unha nova creadora, Asun Estévez. Nos versos desta voz feminina, cheos de referencias aos distintos elementos da natureza, como o mar, a auga, o vento ou a chuvia, tamén está presente o “eu” poético, que acariña a presenza do amor personificado no tempo, na noite ou no silencio. A loita da alma por aferrarse á vida, na súa batalla contra a enfermidade, aparece narrada dunha forma anovadora, como a sombra dos primeiros aires do inverno na herba dos campos. |
|
| ......................... | |
| 26.09.2008 | |
| "O Galego. Aproximacións á súa historia, sistema lingüístico, dialectoloxía e usos" e "Galicia. Xeografía, historia e cultura", novidades editoriales de Ir Indo | |
"O Galego. Aproximacións á súa historia, sistema lingüístico, dialectoloxía e usos" Esta obra nace do traballo que ao longo de máis de oito anos deu como resultado a Enciclopedia Galega Universal, obra colectiva na que traballaron un gran número de persoas. Partindo da voz “ galego “ nace o presente libro coa idea de recomponer o material e obter unha visión de conxunto sobre a lingua galega, a súa historia , sistema lingüístico, diacteloxía e sociolingüistica, que polo xeral, son aspectos que se poden encontrar en diferentes obras, pero ás que raramente se pode acceder nun só traballo. "Galicia. Xeografía, historia e cultura" Na Enciclopedia Galega Universal (EGU), a entrada Galicia é a máis extensa. Partindo deste traballo, naceu a idea de xuntar este material, e o que por falta de espazo non poido entrar, para desta maneira dar unha múltiple visión de Galicia. Estructúrase en dous grandes apartados: XEOGRAFIA: cun análise do medio físico e das actividades que nel se desenrolan; HISTORIA E CULTURA: cunha visión dos diversos periodos da historia galega, que ten como novidade, a inclusión dunha analise das súas manifestacións culturais, etnográficas, xeográficas, históricas, artísticas, fotográficas, políticas, económicas, etc… www.irindo.com/editorial/coleccions.php?cid=64 |
|
| ......................... | |
| 26.05.2008 | |
| Ir Indo, Novos títulos | |
| Ir Indo Edicións presenta tres novos títulos que se engaden ó seu fondo e que xa están a disposición do público para a súa venda. Son tres manuais dirixidos ao profesorado, que suxiren unha ampla listaxe de propostas para aproveitar os contos populares, as lendas e as adiviñas como recurso didáctico nas aulas.
OS CONTOS: Este libro diríxese fundamentalmente ó profesorado, nel preséntanse numerosas propostas prácticas para desenvolver na aula distintas habilidades relacionadas cos textos escritos desde a utilización dos contos populares galegos como recurso didáctico. Os contos populares como manifestación da narrativa popular transmitida de xeración en xeración teñen un grande valor educativo xa que os nenos e nenas viven e síntenos como reais por moi fantásticos que sexan. Os contos producen unha especie de encantamento que provoca unha corrente de confianza entre o docente e o alumnado e son un excelente recurso para estimular o vocabulario, a atención, e o mundo socio-afectivo é como consecuencia a personalidade do alumnado. No libro expóñense diversas actividades pensadas para traballar cos contos: a recolleita, e re-escritura, a produción, a dramatización, a compresión ou a estimulación da expresión oral. AS ADIVIÑAS: É un libro sobre un dos xéneros da literatura popular galega: as adiviñas. Estas, as adiviñas, son xogos lingüísticos, composicións, que, partindo dunha definición, descrición, narración,... intelixente á vez que ambigua, confusa ou imprecisa, propón descubrir algo. A presente edición está dividida en varios apartados ou partes: - Nunha primeira parte defínense e analízase resumidamente o tipo de texto e a súa estrutura, para nunha segunda parte achegarse a unha posible clasificación. - A continuación, no apartado máis amplo do libro, fanse variadas propostas de traballo para as diferentes etapas e niveis do ensino. Hai actividades co recitado, coas solucións, coa estrutura textual,… hai actividades para inventar, para xogar, para investigar,…, hai secuencias de actividades e mesmo un proxecto. - Para finalizar, o libro recompila tamén, agrupándoas por tema, unhas poucas adiviñas tradicionais e populares, xeralmente anónimas, e outras de autoría coñecida. AS LENDAS: O camiño das lendas é, tal vez, a máis antiga manifestación literaria e histórica da Humanidade, polo tanto, representa un recurso didáctico moi importante para transmitir na escola o máis fondo do noso xeito de ser. O traballo que presentamos para o profesorado pretende ser unha axuda no coñecemento, clasificación e interpretación das lendas, xunto a actividades encamiñadas a entender a realidade a partir da tradición e da fantasía das mesmas. Multidude de lendas aínda están na memoria da nosa xente pola montaña, o val, a chaira e a beiramar e que significan un activo da nosa literatura popular, que se poden manifestar dinámicamente na escola en forma de expresión oral ou escrita. |
|
| ......................... | |
| 10.12.2007 | |
| O viño, a viña e a bodega na sabedoría popular gañador do premio Gourmand 2007 en lingua galega | |
O libro "O viño, a Viña e a Bodega na Sabedoría Popular" de Edelmiro L. Mateo García foi galardoado co Premio Gourmand 2007, aos mellores libros de cociña e viños do mundo, na categoría "Mejor Libro de Historia del Vino" en galego, e está clasificado para a seguinte Competición Gourmand "El Mejor del Mundo" na que competirán os ganadores de cada país cos ganadores doutros países na mesma categoría. |
|
| ......................... | |
| 23.11.2006 | |
| Ir Indo Edicións edita o libro O viño, a viña e a bodega na sabedoría popular | |
Coincidindo coa chegada do outono, Ir Indo Edicións aposta novamente polo mundo do viño, cun extraordinario libro no que se recompilan algúns dos mellores artigos, refráns, cancións (con partitura), coplas e ditos relacionados con esta marabillosa bebida, que non só constitúe un elemento imprescindible das nosas mesas e cociñas, senón que forma parte do noso ser galego. Un libro útil, moi económico, e un magnífico agasallo para estas festas de Nadal. Prezo: 30 € |
|
| ......................... | |
| 03.07.2006 | |
| Nova obra en Ir Indo Edicións: "Aconteceres" de Bieito Ledo | |
| Ir Indo Edicións ten a ben anunciar o novo tomo da súa colección de Narrativa; unha obra da autoría de Bieito Ledo, editor da casa e prohome egrexio das letras galegas. Bieito Ledo, director de Ir Indo Edicións, toma por primeira vez a pluma, trastocando o seu papel de editor polo outro lado do mundo literario, presentándonos a súa inédita faceta de escritor. Na súa ópera prima, Ledo desenvolve un conxunto de historias, anécdotas, e livianos contos, dotados dunha lectura sinxela e suave no que se nos mergulla por obra do estilo directo e austero dun escritor sen ínfulas de divo, senón tomando o rol dun contador de historias, oficio vello e nobre do coro tradicional das aldeas galegas. Esta obra cativa recolle diferentes vivencias plasmadas coma un conxunto de narracións sen orde nen estructura, pero cun nexo de unión clave: o punto de vista do autor, que nos presenta as súas reflexións dende a súa experiencia vital, o seu profundo saber, e toda una resabiada visión do mundo, ora en forma de chanza, ora en forma de profunda serenidade. Novo título de Ir Indo Edicións: "Aconteceres" de Bieito Ledo Obra da colección Narrativa PVP: 8 € |
|
| ......................... | |
| 24.05.2006 | |
| Ir Indo, Novos títulos | |
| "O estado e a política en tempos de globalización", de Juan Rial Roade e Carlos Sixirei Paredes, "Pepa" de Amparo Gómez Cuerpo, e "Na Derruba" de Paula Mariño Pazó, son as últimas novidades editoriais de Ir Indo, que pon xa á disposición do público. Ir Indo Edicións presenta tres novos títulos que se engaden ó seu fondo e que xa están a disposición do público para a súa venda. Trátase de tres publicacións de diferentes coleccións e temáticas, pero que contan co selo de garantía de calidade e interese temática co que avala Ir Indo a todas as súas publicacións. Da colección O Elefante Contacontos aparece o seu derradeiro título: "Pepa" de Amparo Gómez Cuerpo Pepa é a historia dunha nena que naceu tan cativiña que ten que vivir nunha caixiña á súa medida. Ten medo de saír de alí, e non que re medrar. Pero unha serie de acontecementos fará que a súa vida cambie... Publicación de narrativa infantil (para rapaces de mais de 5 anos) cunha gran carga pedagóxica, afrontando o sobreproteccionismo paterno, e animando ós nenos a enfrontarse ó seu entorno sen medos e cos seus propios medios e estratexias. PVP.......8 € Da colección Narrativa nace: "Na Derruba" de Paula Mariño Pazó Esta obra é unha escolma de relatos onde a autora, cunha mestría de linguaxe e estilo moi orixinais, parte de formas correntes do noso entorno para contar historias actuais, frescas e directas, facendo reflexionar ó lector sobre as moi diferentes temáticas tratadas. O impacto, o estilo veraz e directo, e a cosntrucción narrativa son as principais armas de seducción destas narracións, que enganchan ó lector facéndoo cautivo da ficción na que nos introduce... PVP........8 € Da colección A Fraga Universitaria aparece: " O Estado e a política en tempos de globalización" de Juan Rial Roade e Carlos Sixirei Paredes Obra de carácter ensaístico que reraliza un estudio en profundidade dos cambios acontecidos a finais do século pasado e que se recollen no chamado fenómeno da globalización, analizando o seu impacto no mundo da política. Os profundos cambios e as novas formas de comunicación e información están a modificar o panorama político a nivel global. ¿Poden estos cambios variar o actual sentido de estado tal e como hoxe os coñecemos?. ¿Son as entidades supranacionais (coma a UE) ou os movementos separatistas (como o de Montenegro) a solución a ditos caqmbios do entorno?. ¿Cal é o papel da política nun mundo onde a información corre sen trabas e a economía supón o pilar fundamental do modelo social?. Estas e outras preguntas son as que teñen cabida nesta obra, que trata de acotalas e dar resposta a toda a inquedanza que xorde cos profundos cambios que se viven na actualidade. PVP........15 € Estas tres obras terán diferentes presentacións a cargo dos autores nas principais cidades galegas, pero xa están a disposición do público tanto en pedidos á propia editorial (telfn: 986 21 12 12) coma nos puntos de venta habituais. |
|
| ......................... | |
| 05.05.2006 | |
| "Enrique peinador Lines" e " El ferrocarril en Galicia", novidades editoriales de Ir Indo | |
| Ir Indo saca ó mercado dous novos títulos. Da súa colección Galegos na Historia publica o que será o triptuaxésimo primeiro tomo: "Enrique Peinador Lines", un título adicado a este empresario que levou ó balneario de Mondariz a ser un centro onde desenvolvían as principais actividades de tipo social, cultural e político do noso país. Como gran promotor da cultura galega, Ir Indo lle rende esta obra biográfica. "El ferrocarril en Galicia. Pasado, presente, futuro" de Xosé Carlos Fernández Díaz é un riguroso estudio sobre a situación do estratéxico sector do ferrocarril, comenzando cunha amplia perspectiva histórica das súas orixes e evolución en Galicia, ate desembocar nun complexo análise sobre o futuro do sector, as problemáticas presentes, o os plans de desenvolvemento do ferrocarril na nosa comunidade. |
|
| ......................... | |
| 03.04.2006 | |
| Finalización da EGU | |
| Ir Indo Edicións comprácese en convidalos á presentación do derradeiro volume da Enciclopedia Galega Universal No acto, presidido polo Sr. Presidente da Xunta de Galicia, D. Emilio Pérez Touriño, intervirán o profesor D. Manuel González González, o Presidente da Real Academia Galega, D Xosé ramón Barreiro Fernández, o Alcalde de Santiago de Compostela, D. Xosé Sánchez Bugallo, o Reitor da Universidade de Santiago de Compostela (USC), D. Senén Barro Ameneiro, e o propio editor, D. Bieito Ledo Cabido. Lugar: Salón Nobro do Reitorado - Santiago de Compostela Día: Xoves, 6 de abril, ás 20:00 horas. O Acto conta coa colaboración da Fundación Premios da Crítica - Foro Enrique Peinador. Ao final do evento servirase un viño Terras Gauda. |
|
| ......................... | |
| 24.03.2006 | |
| Novidade Editorial | |
| Ir Indo presenta hoxe unha nova entrega da súa serie, Galegos na Historia. "Enrique Peinador Lines. Burgués, empresario, galeguista, mecenas e filántropo" de Fernando Franco e Celia Ameneiro supón a trixésimo-primeira entrega da colección. A biografía de Peinador (home grande da provincia que deu nome co seu apelido ó aeroporto de Vigo) está chea grandes eventos. Como verdadeiro motor de orixe do nacemento do Gran Hotel-Balneario de Mondariz, así como do nacemento da empresa Augas de Mondariz, tivo un destacado papel na economía e no mundo empresarial galego. Pero tamén destacou, e non pouco, como mecenas da cultura galega e como galeguista militante, sendo un home moi próximo a figuras como Castelao, Cabanillas, Casares Quiroga, Valle-Inclán, ou Antonio Palacios. Esta nova biografía dun gran home de Galicia mantén en activo e en pleno rendemento a colección galegos na Historia como homenaxe ós persnaxes mais relevantes da economía, da política e da cultura da nosa terra. |
|
| ......................... | |
| 21.02.2006 | |
| Cestería de los pueblos de Galicia | |
Xa está no mercado "Cestería de los Pueblos de Galicia", obra de Carlos Fontanles que recolle todo o saber da cestería artesanal na nosa terra, dende as tradicionais carozas contra a chuiva, ate as cestas de recollida de fungos e castañas, típicamente autóctonas do interior galego. A obra ven completada cun DVD que recolle unha lección maxistral, a modo de reportaxe, sobre a herdanza da cestería en Galicia, e a actual situación dos cesteiros. O prezo desta obra é de 60 €. Esta obra, únese á colección Raigame, o ós títulos publicados por esta casa como "A olería da Terra Cha" e "Los Tejidos", recollendo toda a tradición artesanal e tradicional de Galicia. |
|
| ......................... | |
| 20.11.2005 | |
| A Olería da Terra Cha | |
"A Olería da Terra Cha" , dse Luciano García Alén, é a nova obra editada por Ir Indo no campo da artesanía tradicional galega. Recolle o mundo da olería e cerámica tradicional na comarca luguesa da Terra Cha, con gran variedade de formas, explicacións, métodos e utilizacións tradicionais desta arte centenaria na nosa terra. Esta nova obra ten un prezo de 60 €. |